Quelltext der Seite Seite:Altstadtblaeddla 052 2018-2019.pdf/46

<noinclude><pagequality level="1" user="Zonebattler" /></noinclude>Altstadtverein Fürth �

N

eben dem Bericht des Vorstands und den interessanten Ergebnissen unserer ArchäologieGruppe präsentieren wir auch immer wieder Geschichten aus der Altstadt. Dabei werden wir
von Freunden und Bekannten unterstützt, wofür wir uns ganz herzlich bedanken.
Hier nun ein Text von Karl Eisenhöfer, der in der Bergstrasse aufgewachsen ist.
Der Gonsberg und sei schlechter Ruf!
Der Gonsberg wo net blous in Fädd und
rundherum bekannt, der hat an sau-schlechten
Ruf, kummst weiter naus ofs Land.
Doch warum, des konn ich dir song, frougst du a
mol die Leit, dou stelln sich all ganz sau dumm,
denner‘s a sunst recht gscheit.
Ich denk des is scho arch lang her, wey der zu
stand is kumma, mer hot halt-hot mer dumme
braucht, die Arma douzu gnumma.
Und weil am Gonsberg wey bekannt, viel arma
Leit halt lehm, dou hat mer denen unscheniert,
den schlechten Ruf halt gehm.
Denn reiche und studierte Leit, dey hom ja kanne
Fehler, dey raffn und dey klaua net und sind a
kanne Hehler.

46

52 – 18/19

Karl und Thomas Eisenhöfer

Und wenns am End dann doch a mol a
Dummheit hom beganga, nou wät ka Wätla
drüber gret, dou haltn‘s fest zur Stanga.
An Onwalt nema sich die meist‘n, wenns geyt in
bestn vo ganz Fädd, der deyt sugor an Eid drauf
leistn, der Moo, nana der wo des net.
Doch homs vo uns an in der Zanga, nou hackn‘s
alle gräfti nei, wos willmer denn vo den verlanga,
der Lump, der wäts scho gwesn sei.
Natürli won wir kanne Engel und hom an
grousen Mist oft baut, für‘s Essen und an
Tabakstengl, dou hom mer freili manchmol glaut.
Mir hom a grafft, nachts ganz laut gsunga, denn
lustige Bouschn won mir a, mir sin halt leicht in
Stimmung kumma, mitn Nachbern, nemdro seiner
Fraa.
A hommer, wenn wir worn beim tanzn, a abstellts
Fohrrod uns ausgleit,
wer möcht denn dou wos schlecht‘s gleich denk‘n,
zum Laafn wos uns halt zu weit.
Wey hat der „Reifn‘s“ Gärch oft gwettert, wenn wir
zu zohln ka Geld kappt hom, schaut blous wey
aier Schwattn glettert, sauft aus und dann geht‘s
ganz schnell ham.
Und scho hat er sei Beychla gnumma, hot
neigschriem unsern ganzn Mist, ich hoff, ihr det
am Zohltoch kumma, dass mir des jou kaner
vergisst.
Am Freitoch dann, wo vur der Haustir die Wätti
gschtand‘n und hat gjohlt, dass jou kanner zum
Leipold nei geyht, bevur bei mir sei Zech hat
zohlt.
Dess worn halt solche dumme Sach‘n wou überoul
amol passiern, wer will uns dou gleich Lump‘n
hassn, ets sacht blous, kennt ihr des kapiern?
Na Leit, wir braung uns fei net schema, dass wir
am Gonsberg grouß won sinn, für mich is des a go
ka Thema, weil ich vom Herzn stolz drauf bin.
Denn wärn mä su wey andre denken, und wos
uns alle hom verpasst, nou meyst scho mancher vo
uns henken, nou wä die hälft vo uns im Gnast.
Doch wenn ich dou mein Blick lou schweif‘n und
schau wou dou a Gauner steckt, dann mous ich
eich furchtbo entteisch‘n, bis ets hob ich nu kann
entdeckt.
Drumm lasst eich eier Bierla schmeckn, su weys
bei uns scho immer wo, und freit eich of des
Gonsberg-Treffn und a off des im nächst‘n Johr.
Karl Eisenhöfer,
aufgewachsen in der Bergstraße<noinclude><references/></noinclude>